مشاريع صغيرة في السعودية

مشاريع صغيرة في السعودية

المشروع الأول

محل خطاط :

تفتح مكتب في شارع فيه خطاطين وتجيب معاك من مصر مصمم على الكمبيوتر وخطاط وتجلس أنت بالمكتب ما يمر شي من تحت يدك ..

 

الخطاطين يكسبون في اليوم حد ادني 1000 ريال وسائل مدرسية ووسائل للمحلات والوافدين مسيطرين لهذه الشغلة وما يطلع منهم أي عميل الا دافع 200 الى 300 ريال وتصور ما فيه بضاعة يعني شغل يد ولكن للأسف السعودي يفتح لهم المحل ويأجره ب 2000 ريال ويكون فرحان فيها وهم يكسبون حد ادني  30,000 ريال طيب لو أشتغلت أنت ووقفت بمحلك أختصرت سنين حياتك فبدل ما تكسب 300,000 في شركة تعمل بها عبر مدى عشرين سنة ستكسبها في سنتين عمل حر وأنت صاحب المال

والمشروع الآخر بنفس المجال هو ورشة خطاط لوحات محلات فمن المعلوم أن أكثر الخطاطين فاتحين محلات فقط ويستقبلون الطلبات ثم يرسلوها الي الورش ويا خذون عملوتهم من الزبون حسب الأتفاق فأنت لو عملت ورشة خطاط وأستقبلت الطلبات من الخطاطين بسعر أقل من الموجود لما أستطعت أن تلحق على العمل الذي عندك

المشروع الثاني :

محل مجالس وكنبات ومجالس عربي وشعبي

تفتح معرض وتجيب معاك عدة كتالوجات وعينات تفصلها حسب مزاجك وحسب الموضة الموجودة في السوق ثم تأخذ السعر من الورش وطبعاً إذا عرفوا أنك صاحب محل بيعطوك بسعر الجملة سعر رخيص جداً
وتجيب معاك عامل واحد هندي أو أثنين بالكثير والمحل هذا تفتحه في سوق للمجالس
ثم تبدأ بتوزيع المجالس التي أخترتها بشكل جميل وتجلس بالمكتب ما تأجره للهنود وتأخذ عملوتك من كل مجلس يتفصل عندك طبعاً أنت ما عندك تفصيل أنت ترسله للورشة وهذه المحلات تكسب عشرات الآف شهرياً

 

المشروع الثالث

  أكشاك الجوال

وهو أكشاك الجوال في مجمعات الجوال التي أنتشرت هل تعلم كم يكسب اليماني من تنزيل البرامج !!!!! لا يقل عن 500 ريال يوميا الى 1000 ريال يعني معدل وسط 20,000 ريال شهرياً بس ينزل برامج !!! من غير الجوال المستعمل بيع وشراء
إذا كنت تملك خبرة في الجوالات أو عندك الرغبة في تعلمها فلماذا لا تأخذ كشك وتداوم فيه فترتين صباح ومساء وتجيب معاك عامل يساعدك وأعمل في هذا المشروع خمس سنوات وبعدها أنطلق الى مشاريع أكبر وأوسع لأنه بيكون عندك رأس المال

لا تحقرون محلات صغيرة مثل هذه .. هي في الحقيقة ذهب وما تكلف شي ممكن أي شاب يبدأ حياته منها وفي نفس الوقت نظيفة وتحفظ لك ( بريستيجك ) يعني ما قلنا محل خضار مع أنه مافيه شي محل الخضار بس حبيت أراعي في هذه الأفكار عاداتنا وتقالدينا

المشروع الرابع

السواتر والمظلات

ستتعجبون من الأمر حصلت كرت تحت باب البيت سواتر ومظلات وأتصلت باليماني جاني ومترها وقال ب 13000 أعطيته العربون وأتفقنا على التركيب بعد أسبوع .. وبعد أربعة أيام أتصل علي وقال بكرة تفتح الباب الصباح بيجوك العمال المهم وصلهم عندي البيت ومشى المهم جبت لهم الشاهي وجلسنا وبعد فترة من السوالف قلت له جاري بيصلح مثلي كم تسويها قال ب 8000 فأستغربت لأن جاري نفس مساحة بيتي !!! وقلت أنت مو شغال مع اليماني قال لا أنا شغال في ورشة واليماني هذا عميل لنا يجيب الشغل وإحنا نركبه !!! كسب من وراي 5000 ريال في خمس دقايق وسلمهم الشغل ومشى !!!
طيب لو وزعت كروت في الأحياء الجديدة وحطيت رقم جوالك ومعاك هندي يمتر لك السور كم تتوقع تركب سواتر ومظلات !!!!

المشروع الخامس

مشروع معرض  السراميك 

ولكن هذا المشروع يحتاج رأس مال وهو أن تستأجر أرض وتسورها ثم تبني مكتب والباقي حوش وتجيب من طريق الخرج قطع سراميك ( عينات ) وتزين فيها المكتب هذا من غير كاتلوج فيه بقية الأنواع والمكسب فيها ليس في السراميك ولكن في الحوش ستضع منشار كبير لقص السراميك والرخام وهنا مربط الفرس لأن كل عمال البلاط عندما يعملوا أن عندك مقص بيجيبون الشغل لك عشان يقصوا السراميك والرخام وأنت تأخذ بالمتر ..

والله العمال شغالين كذا وأنا أعرف هذه الشغلات جيداً والمكاسب والله يا أخوان شي ما يجي بالبال .. الوظايف عمرها ما تعيشك صح " إذا تبغى تعيش وتستمتع بحياتك وتكون ثروة عليك بالأعمال الحرة كلها ست أو سبع سنوات وتصبح شخص آخر وهذا ما حصل مع العمالة يجونا منتفين ويرجعون لبلدهم يشترون العماير والأراضي